CAPAR
Hringtu Nule Hna Ni
Thawhkehnak
Salai Ṭha Hei
Amarillo, Texas
Mrs. Anna Reeves Javis cu Philadelphia,
Amaraica ah May 1, 1864 ah a
chuak. A chuahpimi unau 11 lakah
7 nih an thihtak hna. Pa 2 le nu 2
te lawng an nung. Amah cu a nu a
tlaihchan tukmi a si. A nu he
lamhlat tuk in khuasak kha a celh
na loin fimthiamnak cawn ah khua
dang ah a um. A ca cawn a dih hnu
ah sianginn sayamah a ṭuan.
Ca a chimh pah in ngakchia pawl
cu Bibal ca chimh chih a herh tuk
tiah a ruah i Sunday School zong a
cawnpiak chih hna. Vawleicung
ralpi 2nk a dih ah American ram
chung ah nule ihawikomhnak
(Mother's Fellowship) zong a rak
tuahpi hna.
Cu i aa tinhmi cu nu le va, zumtu
le zum lotu an si cio tikah a donghnak ah
innchungkhar ṭhennak a tam, fale an nung nain
a ngakṭahmi a hmuh tik hna ah a ngaih a chia
tuk, nu le va ingaithiam hna sehlaw i um ṭhan
hna seh ti a duh caah nule ihawikomhnak a
tuahpinak hna cu a si.
Mrs. Anna Jarvis hi a pa nih kum 1902 ah a
thihtak ve. A pa a thih lioah amah cu kum 38 a
si. A pa thih hnu, kum 3nk, May 9, 1905 ah a
nu nih a thihtak ve ṭhan. A nu cu ngandamlonak
in kumpi kum 15 chung ihkhun ah a ril komi a
si nain lungsau tein a nu cu a thlop.
A nu thih hnu ah a nu thlum-al a vun theih khun
i ka lunglen le ka ngaihchiat fah cu tiah a hram
tawn. A nu philhlonak ah zeidah ka tuah ah a
ṭhat hnga tiah a ruat i a nu thih hnu kum 2nk
May 9, 1907 ah a hawile a sawm hna i a nu
cung ah hmaizah le upat peknak cu a tuah. Cu
bantuk in a tuahnak cu nule dawtnak hngal loin
a vakmi hna nih nule dawtnak an hngalh
nakhnga caah a si.
Mrs. Anna Jarvis nih hi bantuk in nule cu upat
pek awk tlak an si hrimhrim ko ti khua a
ruahtertu thil pakhat a si vemi cu, chaklei
American le thlanglei American hringtu nule
lakah bochanmi hna an rianṭuanmi ruang zong
ah hin a si ve. Kum zabu 19 thawkka hrawng ah
chaklei le thlanglei American ram cu ral a rak
tam tuk.
Cu raldohnak cu a donghnak ah chaklei
American nih a tei tikah ral lio a thimi hna zuun
ngai in lungfah a tuarmi an tam tuk. Cu tikah
nule a simi hna nih, ram khat chung raldoh le
ithah cu zeitluk in dah ngaihchiat awk ngaingai
a si tiin atu cu idaw usih, irem usih tiah chaklei
ram nu bochanmi le thlanglei ram nu bochanmi
upa tonnak le ram daihnak caah thlacamṭinak an
rak ngei. Ram daihnak caah fakpi in rian an rak
ṭuan. Hi bantuk hringtu nule hna an
cawlcanghnak nih Mrs. Anna Jarvis lungthin cu
a suk tuk i, cu ruang ah nule upat tlak hrimhrim
an sinak kha a thinlung ah a hngalhter khun.
Mrs. Anna Jarvis hruainak in May 10, 1908
kum ah Andrew Moethodist Church ah a voi
2nk a nu philhlonak le upat peknak cu a tuahpi
hna. Cuka hmun cu hringtu a nu kum 20 chung
Sayamah a ṭuannak hmun a si. Cu pumhnak an
tuahnak ah ngakchia 400 le hringtu nule an rak
ra kho. Cu pumhnak ni ah Pastor pa aa thimmi
Baibal cacang cu Johan 19:26-27 a si.
Mrs. Anna Jarvis nih May 9 he aa naih bikmi
zarh cu nule upatnak pek ni ah tuah cio ding in
a forh hna. Cu lawng si loin Pastor dangdang
sin zong ah cakuat
tampi a ṭial len. Hi
bantuk pumhnak a dih
cun a nu nih a rak
duhbikmi pangpar
"Carnation pangpar"
kha a rami vialte cu a
pek cio hna. Cu
pumhnak i a rami hna
chung ah an nule a nung
rihmi cu pangpar sen an
tonh hna i, an nule a thi
cangmi hna cu pangpar
raangmi a tonh cio hna.
Hringtu Nu Ni cu ram
pumpi hmanh nih tuah
awk a si ko tiah,
cohlang cio ve hna seh
tiin uktu bawi hna sinah
cakuat 10,000 a ṭial. Hi
ruang ah amah ca ṭialmi cu mi pakhat ṭialmi ah
a tambik a si an rak ti phatnak cu a si. Cucaah
American upadi sertu hna nih May zarh 2nk cu
nule upat pek ni siseh tiah kum 1913 ah an rak
hnatlakpi.
Cu tikah ram uktu (President) Woodrow Wilson
nih May zarh 2nk cu Hringtu Nu Ni tiah a thanh
lawng si loin ramchung Thantaar (Flag) zong
nan thlai cio lai i, upatnak nan pek hna lai a ti.
May 9, 1914 kum ah American ram pumpi ah
nule upat pek ni cu an ram uktu (President)
hruainak in an rak tuah.
Mrs. Anna Jarvis nih a rak thawk hlan deuh ah
England ram ahcun anmah nunphung hrimhrim
in nule upatnak tuah cu an rak ngei cang. Cu lio
ahcun Mothering Sunday tiah caan an rak
hmang cang hna. Cu caan tu cu Bawipa Zisuh
thihnak in a thawh hlan an timi “Lent” ni 40
chung rawl ulh lio a lai ni (abiana ah 20
hrawng) hrawng ah an rak tuah tawn. American
ram zong ah Julia Ward Howe nih 1872 ah a
rak tuahpi ve bal hna ti a si. Cu pinah Mary
Towles Sasseen, Franle E. Hering tepawl zong
nih nule upatnak cu an rak thawk cio ve nain
Mrs. Anna Jarvis bantuk in ram uktu nih rak
theihpi cu a rak um bal rih lo.
Mrs. Anna Jarvis cu 1948 kum November 24 ah
a thi. A thlaan cung ah "Carnation" pangpar par
43 an rak chiah. A sullam cu a thih ni tiang ah
"Hringtu Nu" upatnak a tuahmi ram 43 nih
upatnak kan pek tinak can ah a si.
Hringtu nule dawtnak cu zeithil hmanh in
tahchunh awk a um lo, kan nule cu a hmasabik
kan Sayate le thawngṭhabia a kan chimtu
hmasabik an si. Abram Lincion (American
President) nih cun ka nu thlacamnak nih ka
nunchung vialte a ka zulh zungzal a rak ti.
Duight Moody zong nih ka nunnak i ṭhatnak
vialte cu ka nu sin in a rami a si a ti ve. Hringtu
kan nule an hnukthlum dor khat hmanh khi kan
nunchung ah an kan dawtnak cu kan cham kho
ti hna lai lo.
Hringtu nule upat pek a rak thawktu Mrs Anna
Jarvis cawlcanghnak in American President
Woodrow Wilson nih kum 1914, May 9 ah ram
pumpi in hringtu nule upat pek a rak thawkpi
hna i cu thawk in nihin ni tiang pehzulh a si.
Abonner på:
Innlegg (Atom)
Dear Khua mi nu le pa hna,
SvarSlettPathian lam hruainak thawng in,khuami ram dang phaan mi kan tthahnem ngai cang.Kan fa le tete zong tam nawn te kan phak pi hna i ram dang ah khua kan sak pi hna,Pathian thluachuah asi.Cu ca'h nu le pa zong nih kan ruah a herh rua tiah ka ruah mi cu Pathian nih hi tluk in thluachuah a kan pek mi hi hmailei ah zeitin dah kaar kan hlaan pi lai, ti hi ruah awk ngai asi rua tiah ka ruah.Nu le Pa kan zaa te nih hin a pakhatnak i kan chiah ding ah ka duh mi cu , hi tluk a kan daw tu le thluachuah a kan pe tu kan Pathian hi ni faa te kan nunnak ah thangtthat zungzal u sih ti ka duh ngai.Cun a pahnihnak ah Pathian nih rosung a kan pek mi kan fa le zohkhanh hi asi.Atu i nu le pa dirhmun i a um mi kan za te hi kan tthancho nak ding lam a thawm ngai cang.Kan tthancho khawh venak lam cu kan fa le hruai thiam,lam ttha zulh ter,Pathian theih bu in tthan ter hi asi.Cun kan fa le hmailei an tthanchonak ding ah a tu te hin rian ngan pi kan ngei.Ralrin bu ten thlacamnak he kan fa le hi kan zohkhenh hna le lam kan hruai thiam hna hi a biapi tuk hringhran.Zei ca'h tiah a tu kan umnak hmun le hma cio ah kan fa le nih an cawn khawh ding mi thil ttha lo a tam tuk,nan theih cio ko lai.Cun a tu kan fa le hi nu le pa naak hin tam tuk an fim cang,theih hngalhnak lei zong in tam pi an kan tei cang.Kan nih um nak khua hoihna ahcun mino tam nawn, riitnak sii a hmang mi an um cang an ti,kunza,khaini,ti ban tuk zu le beer ti ban tuk,cun cheukhat nu le pa cu an fa le he dawr an kal tik ah, ka nu ka pa dawr ah holh lo ten na um lai mu,holh na thiam lo tiah fa le nih nu le pa a zah pi mi zong an um len cang.Cun kan fa le hi computer an tonghnak zong hin thil ttha lo an cawng kho.Phaisa tam pi liam khawh zong asi.Cun computer an zoh tuk ah cun fa pathum na ngeih ah tarmit pathum na cawk a hau lai.An mit a rawk ko lai.
Nu le Pa hna a ho hmanh nih kan fa le hi kan si khawh tawk ten kan dawt cio ko hna, kan fa le hi an duh poh in um ko hna seh kan ti hna lo.Mi tluk ve hna seh hawi zong lo ve hna seh ti hi an ca'h saduh kan that cio ko.Asi na'n pakhat te ruah awk ah kan hngal tawn rua lo ti ka ruah mi cu,kan fa le nih nu le pa an kan bochan ning hi kan ruat tawn rua lo, ti ka ruat tawn.kan ngakchiat lio cio ah khan kan nu kan pa le tiatum lo tete asi mi zong an fa le kan ca'h cun vawlei cung ah a tthawng bik le thil ti kho bik an rak si kha mu,a tu nang le kei zong kan fa le ca'h mah bantuk kha kan si ve.Cu ca'h nu le pa hi fa le ca'h kan biapi tuk cubantuk in kan fa le ca'h zei dah kan tuah lai zei dah kan rian asi.
1.Nu le Pa nih hin Pathian kan duh le kan i bochan a herh
2.Nu le Va i dawt le i rem i thlasak a herh( chungkhar nuam si)
3.kan fa le sin ah siseh ho sin ah siseh lih chim lo ding,hlen lo ding
4.Sunday School ah kan fa le kum 16 an si tiang tal chiah ding
5.kan fa le sianginn kainak ah tha bia tak ten pek ding
6.kan fa le hi hawikom ah ser ding
Thil dang tam pi zong a um rih ko lai na'n nu le pa nih mah vial tal hi tuah kho u si law, hmai lei kan fa le nih thil sual,thil ttha lo an tuah caan aum hnanh ah an tlau lan lai ti cu ka zum lo. A tam deuh nih cun tthancho nak ah an kal pi lai ti zong ka zumh fawn.Kan
fa le hi lai siik i siik lengmang ding an si lo.Kan mah nak in an fim deuh.Pathian rosung an si.Pathian taa an si.
mah hi khua mi pakhat cio ca'h le chungkhar khuasa tefa ngei mi kan ca'h santlai hoi asi phum hnga maw tiah,siaherh nak he ka hun ttial mi asi.Ca ka ttial lo nak asau i sau nawn in ka ttial.A dongh tiang a ka rel piak tu nan dih lak cung ah ka lawm.
Iangiangpa
Indianapolis
Faiceu Vol 4, No 161.pdf
SvarSlett1054K View Download
Azei lezeihe na tuah tawn?na thiam lo ahcun kan hlal kohna,
SvarSlett