PATHIANBIA

               Kan miphun le nunphun

             Biahmai tti ah  kan laimi hi pathian nih thlua kan chuak i khuaza ramkip ah  kan phan cio hna , asi nain cucu kan thlau nak aum zeidah asi ti ah cun aho thawngin kan kal, aho thawngin dah kan kal khawh ti mi kan i theih tawk lo i kan miphun tampi cu kan thlau , zei ruangah asi ti hi atu tan ah kan laimiphun hawi sin ah  phuan le chim ka tim.

(1)Ramdang kal maw asual,keimah dah asual?

                                 Laimi cu kan sining chim ah cun atheih mi lawng te kan si ,tamdeuh hi cu theih khawh le hngal khawh kan si zei caah ti ahcun  harsa ngai in nulepa siseh u le nau siseh,chungkhat cungah  tangdor nak te he ramdang kal khawh nak  hnga caah tiin ningzak siseh mihmaikhap lo in  phiasa kan cawi i aletcham ding zong in acawi mi zong kan tam pi hna,Cu ticun  nulepa siseh,  kan nupi siseh kan fa le siseh kan unau siseh kan hawikomdawt siseh ,Bia tha te in kan cah cio hna aphunphun in akan chim akan rel cio hna, cuti cun kan khuasaknak caah atha deuh hnga maw tiin saduhthahnak nganpi he Motorka umnak lei ah cun kan khua cio in kan i thawh cio hna i,akan thlah tu tap le mitthli hi sur ti bang aluang , ngaichiat nak le lungkuainak tuar buin HaKha ,ThanTlang, Falam, cu kan phan hna i mah ti cun kawlram lei paangin kan kal cuti cun ramkawl khualipi cun kan phan, yangon in  Malaysia lei kal dingin tim tuah nak cu kan ngei, Yangon in kan i thawh i thailand kan phan, thailand micheu cu kan duh lo ti zongah harnak tampi kan tong, kan mitthli siseh kan lungretheih siseh kan ngaichiat siseh lungretheih siseh  harnak tuar buin  Kualalampur Malaysia cu kan hnu phan i micheu cu unau siseh hawikom hna nih an rak dawn hna, micheu cu dawn tu angei mi zong kan tampi kan um , kan puaisa nih rian akan kawlpiak i riantuan nak ah kan chiat,Cu ti cun khua kan sak hna, mitampi cu lakhah te kan chuak i lailei ah kan hunchawn kan hunbiak hna i Phaisa te zong tlawmpal te cu kan kuat hna thlakhat achuak cuti cun kan nihlawn man te in nulepa siseh nupi fa le siseh kan ratnak i kan cawi mi tete zong kan hun cham hna kan hun zohkhen hna, malaysia ah harnak phunkip sal rian cu kan tuan, holh nih thiam lo akan pamh akan si mihrut bantuk in kan boss mithmai kan zoh i , rian maw akan chuak sual lai tiah kan phang culawn hman si lo in kan chungkhar ka zoh kho hna lai lo ti zong kan phang harnak tuar bu te in mikuttang ah rian cu kan tuan,kan boss lawng si lo in kan mah laimi hna rian athiam cang mi mithmai zong kha kan zoh than rih ,Cu te cun lailei ummi chungkhar sinah cun kan hun kuat, acaan nih akal langmang kum nih akal langmang tlai khawh si lo kirhkhawh zong si lo,tlawmpal ah zeidah acang ti ah cun, thihloh nak darthawng ahun tthang , nulepa ruah siseh nupi siseh fa le siseh pipu siseh chungkhat an ruahcungah um ti lo afah hi atong ahar khun, Culawng hman si rih lo in thlizil thawng ahun tthang rih nan nu va dang angei tibantuk harnak tammi kan tuar thinlung nih acelh lo tiang in ramdangah khua kan sak kan nunnak kan phorh kho ti lo in zudin saei in kan thut kan dir hna kan nunnak tampi  arawk i kan nunnak zong kan liamter rih.

(2) Malaysia i kan laimi sining?

                              Malaysia hi  ramtha pakhat asi ve, zeicaah ti cun ramdang mi nih khuasak nak ah hmang ngai mi asi ve, ahlei in kanmah kawlram mi Refugee minung tambik kan umnak

ram zong asi fawn,kan laimi nih kan thlau deuh mi cu   kanmah lainunphun hi kan thlau ngai cang, miramdang nunphun hoher thilpuan hrukeih umkal ning heibantuk khi kan i cawn i kan i uar khawhh ning cu keimah ka thiam ka hngal ka theih deuh tiin kan um ,rian kan tuan zongah lailei cu zoh asi ti lo ,malaysia holh in  sentari ,cun mirang holh in myself  ,ti asi  asullam cu keimah te in ka nung ka nawl asi ka tuah le tuah lo zongah nangmah nan sai tibantuk khi asi, Cu ti cun malaysia ah kan laimi cu dang nunphun cu kan i lak i aho zong nih chim rel khawh kan si ti lo, an theih hngal mi atam cang , holh zong an thiam cang, Biaknak lei in biatak te in kan Pastor te hna siseh vawilei lei in akan zohkhen tu CRC  le  ACR  le CDAC le kan pa le hna nih akan chim rel ko nain kan i nungpi hlei lo ,Pa nih zuu te kan rit  hnu cun zalamtlangah kan vak hna micheu cu thihnak lamlei kan paanh i motorpah nak kan  tong hna , cuti cun kan nunnak minung tampi kan liamter hna,micheu nih kan rithnu cun chungkhar lei ah buainak kan chuak pi hoi ,Cun pakhat le pakhat kan i sik kan i velh hna, sizung phan laktiangin, kanmah laimi le laimi tu kan sik kan i velh , kan lamtu  kan i pit ,Cun Kan Lai nu nih Ramdang nunphun cu   uar tuk hna kaw, zeidah an chuakpi ti cun laimi nih dawtnak kan ngei mi le tlaichannak kan ngei mi kha an thlau ve hoi, Laipa cu an ti i cu ti cun kan miphun asi nak akhat lo mi, ramdangpa an va hna, laipa cu Zuu an din tuk , chungkhat caan ah bochan awk an tlak lo an ti nungak le tlangval lakkar ah dawtnak kan ngei mi zumhnak kan ngei mi viate kan thlau.

(3)Kan nunphung  kan zumhnak tampi athleng cang?

                                 Nihin ni kan dirhmun kan zohtik ah , kan miphung sinak tampi athleng ,hlanlio kan pipu kan nupa hna kokek sinak  nunphung ahhin dinnak atanh taktak mi laimimiphun an si, kan kokek sinak ah kan i hrinchih mi zong asi fawn,Hlanlio ahcun khua pakhat ah sualnak lihchim le fir tibantuk ziaza tha lo sualnak  an tuah asi ah cun mithah lainawi  tluak in an rak ruahmi le khua nih zei ah rak rel lo mi an rak si, cun hlanlio ah cun  pakhat le pakhat an i zumh i innkaa zong tawkhernh arak um lo ,zeiruangah dah asi ti ah cun din nak an rak tanh bantuk in pakhat pakhat an i zumh i an i dawt nuam te in khua an sak tti hna, Cu lawnghman sirih loin kan pipu kan nupa hna nih an rak isak mi cu laimi le vakok tiah an rak i sak, vakok nunphung cu zumhnak thawng ngaimi asi caah, hlalio kan pipu kan nupa hna zongnih an zumhnak kha an rak thawngter ve, Tuni kan mino sinak ah dinhnak atlawm cang ninglaw dawtnak atlawm cang ning hi, ruah ah cun hlanlio i kan pipu hna nih an rak zumh mi cungzingnu  dara Aidang cang ti awk in kan um,tuchun ni ah laimi le vakok asak ngamh dingin kan um ti lo, kan zumhnak a fekti lo i kan nunnak cio ah dinhnak kan tanh ti lo i kan i nungpi ti lo i zei ah kan rel ti lo, ruah kan herh ngaingai cang ,kan miphun sinak tamtuk athleng cang.

(4) Laimi kan sinak dirpi usih?

                                     

                                  Ramlianh ah um ko hmanh usih, kan semhnak lungrawnkhua hi philhawk atha lo,adirpi tu ding kha kan si,tthilpuai tha kan i hrukeih zongah  kan semnak khua  i kan tthilpaui te kha kan philh awk asi lo,rawlthawthaw kan ei lio zongah kan semhnak kan khua kanram i kan dinei mi kha philh hna usih ,chungkhat tlingte in rawldum tti nan hlam tuk cio hna lai, ramlianh ramnaum ah thutdir kohman usih kan chuaksemnak khua le ram kha kan philh awk asi lo, motor ttha in na tlunkal caah kankhua lairam i na ke in na tlunkal kha philh hna hlah usih,

miphun thlau kan sual lai,thilfa tein kan nunnak abiapik bantukin thilfa tein kan miphun kilveng cang hna usih,miphun caah tthangchiat tu si lo in tthangtthatter si cang hna usih, miphun caah ningzak chuakpi tu si loin miphun anuamter tu le angan adam khawhnak hnga zohkhen tu si cang hna usih, kan thlau cang mi kan nunphung kha atu ah nungpi le atu ah kawl cang hna usih , dawtnak le zumhnak dinnak attanh tu laimi phun kan si bantuk in , kan nunnak nih langter khawh i zuam cang hna usih, kan nunnak ah le laimi kan sinak ah athen kho lo mi cu, dinhnak zumhnak le dawtnak hi laimi phun in kan kokek sinak ah kan i hrinchih mi asi bantuk in , athlau tu si lo in akilveng tu si hna usih, Ramdang kan chuakkhawh mi hi pathian nih ami fa hna cawisang kan timh mi asi bantuk in,kan zumhnak si seh dawtnak siseh dinhnak siseh dirpi hna usih hmailei ah kan miphun adam lai i,kan laimiphun hi atthancho chinchin langmang lai tiah tutan ah sawm kan duh hna.

                                                                                         By.Zam Hlei Thang

                                 

                                   

Biahmaitthi

               Canttha sunglawi chung ah lam a kan hruaitu Pathian min kan thangtthat. Cun Pathian biathiang chim ve ding in hnakkar tenhnak he a ka siaherhtu upa hna le khuami nan dihlak chung ah chimkhawh lo lunglomh nak ka ngei. Pathian nih a dong lomi a thluachuahnak he lam in hruai ko hna seh... Amen. Khua ram le miphun sersiamnak ding caah zeidah a biapi bik a si tihi biahalnak um sehlaw mi tam deuh nih cun fimnak, thiamnak hna hi a biapi tiah kan ti men hnga, asinain miphun le khuaram tthanchonak caah cun pakhatnak ah Pathian, pahnihnak zong ah Pathian, pathumnak zong ah Pathian tu a rak si, cucu Cathiang nih fiang tein a kan chimhmi Biatak zong a si.

               Cucaah Pathian biatak hi fek tein i tleih u sih, kan nun hi Pathian bia in khah ter usih taksa, thinlung, Thlarau caah lomhnak a si i khuaawng a kan pem ter tu zong a si khuaram,peng tlang tthanchonak zong a si. Pathian dawtnak hi ruat in a thluachuah cung ah i lawm zungzal hna u sihlaw a mithmai ttha a hmutu si zungzal ko hna usih. Thawngttha lei ah pumpak thlacamnak he kan kal hna lai......

     Tlangtar          Thluachuah Cotu

Cathiang: Na kaa kha aang law kan pek mi rawl hi ei tuah. Ezekiel 2:8b.

                 Minung hi a rawl lawng in a nung kho lo, Pathian nih a chimmi bia

                 paoh cu a nunnak a si. Matt 4:4.

              Gen 25:22 ah kan hmuhmi cu nu le pawchung an um lio tein ai ralcia cangmi hna unau Esau le Jacob kong a si, an nu nih a pawi hna lio ah nganfah tuar awk ttha lo in an i nam i an buai, a nu nih a ngeih hna zong ah hin Esau kedil kha fek taktak in Jacob nih ai tleih bu khin a hung chuak mi an si. A ruang cu fa upa si kha an i cuh i khuaceu hmu hmasa tu si ding kha an i zuam veve caah a si. Fa upa si an i cuh nak cu fa upa a simi paoh nih hringtu pa roco a si i rocotu si kha an duh veve caah a si. Esau cu fater a si i Jacob cu fahniang a si. 

Jacob tuanbia hi mi tampi nih an kan chimh cang i Esau kong tuhi kei nih cun tam deuh in hun char ka duh.

Fater sinak kha Sa buti ah a zuar  

              Hrinnak in Jacob cu a pa ro a co khawh ti lo caah zeitindah ka u pa hi fater sinak ka chuh khawh tthan lai tihi zeithil a tuahnak hmanh ah Jacob nih aa sehchih zungzal mi a si. Canttha a kawl lengmang nain a hmu kho bal lo. Jacob hi mi dai mi holh lo a si i inn ah ai benh zungzal mi a si i Esau hi sakah thiam a si i ramveih huam ngaimi a si, sa a kahmi kha a pa nih a ei tawn tik ah a pa cu ai lawm i Esau hi Jacob nak in a pa nih a dawt deuh mi a si. Nikhat cu Jacob kha sa buti a chuang i a um ko lio ah khin thaba le rawlttam ngai in Esau cu a ramveihnak in a hung tlung, Jacob kha sa buti hram i a tthut ko kha Esau nih a hmuh tik ah '' Ka rawl a ttam tuk " na sa buti sen kha ka khat in ka pe tuah tiah Esau nih Jacob cu a hal. Jacob nih cun mah le u te hei pek colh ve ding si ko mi pek nemmam cu atu maw canttha, pe hlah kan pe lai lo na fater sinak na ka pek lo ah cun kan pe ve lai lo tiah a leh diam ai. Esau nih cun " A ttha ko, ka thi cang leh lai hen hi! Cu fater sinak cu ka caah zei hen a ttha hnem?" a ti i fater sinak cu kan pek hrimhrim lai tiah biakamnak a ser hnu ah sa buti cu a ei, fater a sinak cu sa buti sen ah Esau nih cun a zuar. Fater a sinak kha Esau nih cun cu tluk men ah cun a rel.

             Unau! Esau hi na mawhchiat maw? voikhat rawl ei awk ca men i fater a sinak zuar cu tiah na mawh chiat maw? Esau hi mawhchiat awk a tlak hrimhrim mi a si. Pathian khuakhaannak zei ah a rel lo zong a si. Asinain Esau lawng hi na mitthlam ah cuan ter in amah lawng hi sual phaw hlah Esau nunning hi Pathian thlua- chuah zeirel lo in a hmangtu le a ciamh pi tu nangmah le keimah nun hmanthlak hmuhsak tu a si. Pek ciami thluachuahnak ttha tein kilven le zohkhenhnak ngei lo in kan pumsa duhnak in kan nunnak di kan riamhternak nih petu Pathian lung a fahter ve. Esau nih a kan cawnpiakmi cu Pathian thluachuah zeirel lo in a thlarau mit a caw i vawlei a tleihchanmi kan nunnak a langhter.( Thlarau mitcawt timi cu Vawlei chawva tleihchan in Pathian caah sifah ai siang lomi pawl ). Pathian nih Vawlei a tleihchan tukmi cu cangcel he a kan tahchunh, Cangcel cu kan tleih tik ah a lu vawlei ah a pil i a lai in a cah hmanh ah vawlei chung pil ai zuam rih mi a si. Unau, Cangcel 

bantuk in vawlei kan tleihchan maw? vawlei chawva ruang ah kan thlarau mit a caw sual maw? kan pumsa di- riamhnak men ah kan nunnak kan phum sual maw? Esau nih a fater sinak kha a pumsa rawlttamnak men ah a zuarnak hi Pathian duhnak nak in a pumsa aa dawt deuh caah a si. Hringtu a pa nih thei hmanh hlah sehlaw fater ah a sertu Pathian cu a ngeih a rak chia ai. Pathian thinhun nak a tuah tu cu Pathian nih ka ral an si tiah a ti.

Esau nih fater sinak a zuarnak a ruang

               Esau nih fater sinak a zuarnak a ruang le a lungput tthen thum ah tthen in a dotdot tein hun langhter le fiangter ka duh. Esau nih fater sinak a zuarnak a ruang cu...

(1) Pathian thluachuah/ khuakhaan zei ah rel lo

(2) A mah lung ai rinh

(3) Rawlttam ruang ah

(1) Pathian Thluachuah/ khuakhaan zei ah rel lo

               Esau nih hin Pathian thluachuah zei ah a rel lo tiah kan ti khawh, zeiruang tiah cun Pathian nih fater ( rocotu ) sinak a pek ko nain cu a pekmi thluachuahnak cu sunhsak lo in voikhat a khimnak men i a siannak nih Pathian thluachuah zei ah a rel lo a langhter. Pathian thin a hung, Pathian thinhunnak cu ttih a nungmi a si.

Pathian thluachuah hman thiam lo ruang ah chiatnak a tongmi kan zoh hna hmanh lai. Isarel mi hna nih Pathian nawl an ngeih lo caah Pathian nih Filistin mi hna kut chung ah kum sawm li chung saltang ding in a chiah hna, Sihmanhsehlaw Isarel mipi nih Pathian sin i an au nak aw cu Pathian nih a theih piak tthan hna i cu an saltang nak in Bawipa nih Samson cu a miphun chanhtu le chuahtu ding ah cu a thim , tthawnnak a pek i Chiandeih tthawng zong a tei hna i mi hna lak ah a tthawngbik le thil ti kho ah Pathian nih a Thiangthlarau in a thuamh. Asinain Samson nih Pathian bia a buar ai, Pathian pek cia a tthawnnak cu mi hlen nak, miaknak men le Pathian biakam he ralchanh in ramdang nu Delilah he an i duh caah Pathian a lungtling ti lo cucaah amah thimmi a si nain Pathian nih a ral hna kut ah a pek, an tleih i a mit an khoih hnu ah a nunnak tiang zong a liam ( Biaceihtu 13,15,16 ). 

               Belshazzar Siangpahrang hi Nebukhadnezzar Siangpahrang fapa a si i Pathian thluachuah zeirel lo in Pathian a doh tu a si. Pathian nih Belshazzar cu tthawnnak, rumnak le thil ti khawhnak tampi a pek i a min a thang ter mi Siangpahrang pakhat a si. Asinain Pathian Biakinn thiang chiah mi sui hrai laak in a bawi thongkhat hna le a nupi le a hlasak thiam hna he tiin zu an dinnak i pathian dang kha an biak hna caah Pathian thin a hung. Zu an din lio cuahmah ah khin ruah lo piin kutbor pakhat a hungchuak i an vampang ah Mene mene tekel u- pharsin tiah ca a van ttial, cu ca a sullam cu Mene ti cu Pathian nih na pennak ni cu a rel cang hna i a dongh nak a phak ter cang hna tinak, tekel ti cu cuai thlainak ah thlai na si cang i na tling ti lo tinak, u-pharsin ti cu na pennak cu cheu a si cang tinak a si. Cu zan lila ah cun Belshazzar Siangpahrang cu Media mi Darius nih a thah i a pennak cu a lak ( Dan 5:1-ff ). Pathian thluachuah zeirel lo in um cu thihnak a si. Cucaah Pathian thluachuah nak hi a relzia tu thiam u sih a kan pek cia thluachuahnak hi ttha tein kilven i zuam u sih.

(2) Mah Lung rinh

                 Esau nih fater sinak a zuarnak a ruang cu amah lung ai rinh caah a si. Ka nawl a si ti lungput a ngei. Pathian mithmai zoh lo in mah lung lawng hman cu Pathian nih a fih i a ralchanh mi a si. Isarel mi hna Siangpahrang si ding in Pathian nih Sawl cu chiti a thuh i a hmanmi a si nain amah lung hmang in a um i Pathian nih tuah awk a fialmi zong tuah lo in din lo nak thil in pekchanh raithawinak a tuah caah Pathian thin a hung. Cucaah a Siangpahrang sinak in a tthumh i Isarel Siangpahrang ah Sawl ka ser cu kai ngaihchiah tiah Pathian nih a ti ( 1 Samuel 15:1-ff ). Cun Asa zong Pathian mi hman a si nain a ke ah hma nih a tlunh tik a hma damnak caah Pathian bochan lo in sibawi te le si ai tu ai bochan caah Pathian thin a hung, damnak caah a ka bochan lo mu a ti, cucaah a hma cu a dam ter lo i a hma tuar in thihnak a in ( 2 Chan 16:12 ). Ave le Adam zong nih Pathian bia hlaw riangmang in mah lunghmang in Setan bia an zulh caah thihnak le chiatserhnak an tong ( Gen 3:1-6 ). 

                Akhan zong nih Pathian bia ngai lo in amah lunghmang in Pathian hranchaw a fir caah Isarel mi hna cu ralkut in an sung i Akhan le a chungkhar vialte zong thi lak in lung in cheh an si ( Joshua 7:1-26 ). Ananias le Safira zong nih Pathian zeirel lo in an tangka an i thuh caah Pathian thinhunnak ruang ah an nu pa in an thi ( Lam 5:1-10 ). Thongkhat pekmi sal pa zong nih amah lung ai rinh i a bawi fialmi rian a ttuan piak lo caah a bawipa nih a tthawl i hi sal santlai lo pa hi a leng khuamui lak ah va hlonh u; khika ah va ttap sehlaw a hacang va rial len seh tiah a ti ( Matt 25:24-30 ).etc ... Unau, Pathian hi zeirel lo in um hlah Pathian hmai ah cun khua zei hmanh ah kan zam kho lai lo, mah lung lawng i rinh cu Pathian nih a fih mi thil kan tuah he ai khat. Bawipa tu zoh in toidornak he a hmai zoh zia tu thiam ko Pathian nih cung ah hlorhnak a si ( Jeim 4:10 ).

  

(3) Rawlttam ruang ah

                  Esau nih fater sinak a zuarnak kan zoh tthan tik ah fianghlang ngai in a langmi cu a rawlttam ( a bu hrit ) tuk ruang ah a si tihi hmuh khawh a si. Hi ni celngel hi ni can zoh maw ai palh hnga zeidek, voidang zong ah ramvai tawn mi a si ko nain. Ka chim duh mi cu rawlttamnak nih hin tthawnnak si lo in zaang dernak le tha uainak tu a chuah pi. Taksa kan rawlttam ah cun taksa a dernak i Thlarau lei ah kan rawlttam ah cun Thlarau thazaang a der ve, cucaah rawlttam tuk in kan umnak hnga lo i ralrin ngaingai a hau tinak a si. Taksa ttam

halnak tu hi cu chia ta u sihlaw ka thlir duh bik a si lo caah Thlarau rawlttam ruang ah a chuakmi tu tam deuh in chim kan i zuam lai.

              Biakam hlun chan in siseh biakam thar chan zong a si ah Cathiang nih fak piin an kan forhfialmi cu rawl tampi in ei uh ttamhal in um sual hlah uh tihi a si. Setan nih a chimmi cu kei cu Vawlei cung khuazakip kaa chawhnak le kaa lehnak in ka ra tiah Bawipa Pathian hmai ah a chim ( Job 2:2 ). Vawlei hi Setan kuttang ah a ummi a si (1John 5:19A ). Nan ral pa Khuachia cu seh awk kawl ah Chiandeih bang in a vak cuahmah mi 

a si (1 Piter 5:8 ) caah fimhring tein le ralring tein um zungzal uh a kan ti, a kan chimh duh hnawhchan cu Thlarau in khat zungzal u law rawlttam hrimhrim in zeitik hmanh ah um hlah uh tihi a si. Thlarau ah rawlttam cu ttih a nung taktak mi a si, Jesuh nih mipa chung in a chuah cang mi thlarau ttha lo cu ram rocar chung ah khan a kenkip ah aa chawk, dinhnak a hmuh ti lo caah ka chuahtak mi inn ah khan ka kir tthan lai a ti, a va kir i a  rak um tthingnak mipa nunnak cu thiang te le tla hirhiar tein ( thiang tein timi cu Pathian bia a chung ah a um lo tinak ) a rak um ko kha a hmuh tik ah a hawi le amah nak in a chia chinchin mi pasarih aa ratpi hna i a hlannak a si ningnak khan chia chinchin in a hrut tthan ( Matt 12:43-45, Luke 11:24-26 ). Ka chim duh mi cu kan nunnak hi Setan nih a pennak chung ah chia in a seh sualnak hnga lo kan Thlarau hi khim te le ralring tein chia zungzal hna u sih. A si ah zeitindah kan Thlarau cu kan khim ter lai?

(a) Thlarau ti rawl 

                 Kan Thlarau hi khim tein a um khawhnak hnga zeidah kan ei lai, 

(1) Pathian bia hi kannun cawnpiak tu ah. 2 Tim 3:16

(2) Pathian bia hi kan ke caah Mei inn a si. Salm 119:105

(3) Pathian bia hi kan lam caah Ceunak a si. Salm 119:105

(4) Pathian bia hi kan hriam ttha bik a si. Heb 4:12

(5) Pathian ralthuam tling tein i hruk. Efe 6:14-17

hi vialte hi thlacamnak he tuah in ei u sihlaw Pathian kha bawmhnak hal u sih, Cun Thlarau nih an kan hruai ning in zeitik can paoh ah thlacam u sih. Kan ral pa khuachia kha kanmah seh awk i a rat tik ah kan rak doh khawh lai i a dongh tiang fek tein kan dir kho lai. Cucaah hi Pathian ralthuam hi hmailei ah kai hruk te lai ti hlah atu hin i hruk u sihlaw timhcia tein um u sih, ralttha in um u sih a luat cangmi fa kan si nak hi philh hrimhrim lo in ralttha tein dir u sih.

Phung pahnih

               Pawl nih cun ka chung ah phung pahnih an um i Pathian phung le phung dang pakhat an si a ti ( Rom 7:14-23 ), cu phung pahnih cu an rianttuan ning le an duhmi ai dan tik ah lungrethei taktak in ka um tawn a ti.

phung dang rianttuannak cu thilttha tuah duh zong ah thilchia tuahnak, fel duh zong ah fel lo nak le midang cung  i tthatnak tuah duh zong ah chiatnak tuah duhnak te hna hi an si. Pathian phung nih a duh mi cu a zungzal in Pathian phung ah i lomh zungzal hi a si.

               Nang le kei kan nunnak zong ah hin ai pai zungzal mi phung pahnih an um ve, cucu Pathian duhnak phung le kan minung duhnak phung hi an si, zei hi dah thazaang kan pek lai i kan tthawnter lai. Kan minung duhnak nih an kan tei paoh ah cun Pathian phung cu a der i Thlarau cu a ngeih a chia, Thlarau ngeihchiatnak nih Thlarau ti rawl ttamhalnak a chuah pi, ttamhalnak nih zaangdernak, tluknak le rocotu fater sinak sungh nak a chuah ter. Kan minung duhnak phung tu cu ai lawm i kan thinlung cu a ping ah tthawng chin le cak chin in a pial ter. A donghnak ah cun kan minung sining nih kan thinlung kha a uk tik ah thihnak tiang kan phan i Pathian nih ka ral nan si an kan ti, ka ngeih a ka chiat ter tu nan si an kan ti ( Rom 8:6-8 ). Cucaah kan chung i a ummi ah hin a hodah kan lomhter lai i a hodah ti rawl khim tein kan pek lai " Cathiang nih; A pumsa duhnak lo ah a tuh ah cun thihnak kha a zun lai, Thlarau lo ah a tuh ah cun Thlarau nih zungzal nunnak kha a pek lai" tiah a ti. Cucaah himnak le lomhnak he karhlangmi kan si khawhnak hnga kan zeizong hi Thlarau lo ah tuh u sih law theittha an chuak lai khim tein kan um zungzal ko lai. Pathian bia lawng kan nunnak a si ( Matt 4:4 ).

Biatlang komhnak

                Pathian nih khamh cangmi a fa le hi dai tein um ko ding a kan senh lo. Kannun hmang in mikip nih Pathian sunparnak an hmuh khawhnak hnga rian khinh chih mi kan si. Pathian nih Thiangthlarau laksawng an kan pek cio i cu an kan pekmi laksawng cu ttha tein kilven ding le mikip sin ah phawt cio ding kha an kan khinh mi rian a si. Pathian nih ka tehte ttha nan si an kan ti ( Lam 1:8 ), Thei tampi tlai uh an kan ti ( John 15:16 ).

                Cucaah u le nau hna, Pathian nih a kan fialmi hi kan i fiang maw? Pathian thlauchuah hi ttha tein kan kilveng maw? Kan nunnak ah kan Thlarau rawl a ttam sual maw? Pathian khuakhaannak zoh lo in mah lung ai rinhmi kan si sual maw? kan nun hi i chek u sih. Kan ral pa Setan hi seh awk kawl ah a vak zungzal ko. Cucaah Pathian ralthuam hi tling tein i hrut u sihlaw kan nunnak hmang in mikip nih lomhnak an hmuh khawhnak hnga thlacam u sih. Zeitik hmanh ah Pathian ral kan si sualnak hnga lo kan minung duhnak nih kan thinlung hi uk lo Pathian Thlarau tu kan uk zungzal ko seh. Carel tu le hi thawngttha a thei tu an dihlak caah Pathian nih thluachuah kan pek piak ko seh.. Amen.......


BY Pual Za Cung Lian \
    NY ,USA

Dear Khuami hna,

                     ''nAsuallam ruat bu tein le Lungsau tein carel ding kan sawm''

                          HmungKip Kakip Um Dawtmi Khuami , Pile Pu NulePa Ulenau Vial te hna, Nan um nak hmun cio in dam in nan um cio lai tiah Zumh nak ka ngei ,AHlei in Vawilei cung i aum mi ' Hringtu nu '' Vila te nan kut kan tleih hna?

                         

                        Ni hin cu Vawlei cung pumpi ' Happy Mother's Day' asi i , Hrinmi Fale asi mi poh Kan caah cun nisung lawi taktak asi, hi nak nisung lawi hi  nang le kei kan caah  aum ti nga maw, Nan um nak hmun cio in 'Hringtu nu ni nan rak hmang kho cio maw, Dawtmi Ulenau hna ni hin cu Hringtu nu ni  asi ban tuk in , Khua ruah atam i ,Lung aleng tuk e, Kan caah lawmh nak ni asi ko kan ti ko nain Cheu khat  kan caah cun, Lung akhuai i mitthli he Can Hmang mi kan um ve men lai , Zei caah ti ah cun  Kei mah si ning in ka ruah tik ah ,Hringtu nu le nih fa le nakan zoh khenh ning le nakan kil ven ning na kan dawt nak hna hi can tam pi cu kan ruat tawn lo i  nu le dawt nak thei lo in can sau pi kan um sual lai ti ka phang?

                      Cu caah Ule nau ni hin ni tawk in ,nule padawt nak atheih ve rih lo mi 'kei mah'ban tuk nan um sual ve ah cun Kan lung fin acu cang, Daw tu ho dah an si i dawt mi tah ho dah kan si ti  hi , ruat ding kan sawm hna, Ulenau hna Ngeih chih san atlei  te lai lo Kalung fin cekecek in hring tu nu le dawt nak hi can ttha kan ngeih lio ah nu le nih, fale akan dawt nak hi ,Dawt nak thei bu te in ruat ti hna uh sih ti ka duh fawn,

                       Vawlei cung sui ngun chaw va lengeih chiah zong nih acawk khawh lo mi, nu le dawt nak hi  asung tuk e,Vawlei pum pi hmenh hi dong in rok in cat dih ko hmenh seh law, Hringtu nu le dawt nak cu adong kho lo arok kho lo adih kho lo , can asau deuh i athlum deuh can aliam i angan deuh chinchin ee, ka caah ka nu dawt nak hi asung lawi bik ko, hringtu nu dawt nak hi philh khawh asi lai lo chan khawh zawng asi lai lo,asinain ruah chan mi pakhat kangei ,ni hin i hringtu nu le asi mipohpoh,Nan fa le nih hin hin in dawkho hna in inzoh kho hna hlah hmenh uhsilaw nan dawt nak hi chamkhawh si hlah hmneh uh silaw, Zeizong vial te aser tu kan biak mi kan pathian tu nih lu nun ngan dam nun khua sau nak in pe hrim hrim ko hna seh ti hi hringtu nu le hna nan dih lak thla za kan in cam piak hna,Ulenau hna hringtu nu le anung rih mi kan si ah cun nu le pa dawt nak hi ruat hna uhsih law nu le nih can sau pi akan nun pi kho ti lai lo,nule pa mit thli tlak ter tu kan si sual ah cun, ngeih chih san atlai ti lai lo ngeih chiat nak in mitthli tlak ter si lo in ,Ni hin cun  nulepa lung lawmh nak mitthli tu tlak ter kho mi si hna uhsih ti hi kan sawm hna,Nu le dawt nak hi zei hmenh he tah chunh khawh asi lo,ka nu,san tlai lo hoi tluk lo sifak mihrut si ko hmenh law, ka nu kacaah cun san tlai bik mirum bik mifim bik, aho dawt nak nih iang kho lo khut thirual hoi lak zong ah ho nih an in tluk lo,asung tuk e ka nu dawt nak , ka nu dawt nak ka ruah ah hin ka nu paw chung i  sem i chuah than si ka duh,Ngeih chih zei san atlai lo ,knu na dawt nak thei lo in namit thli kan tlak ter mi  hun ka ngai thiam mu nafa ka lung fim atlai tuk cang dawt tu sung hno ka nu/

                  Hringtu nu le dawt nak hi dawt mi fale caah cun akhat dih cio ko lai ,i  ka nu dawt nak ka ruah le kahmuh tiak ah hin 'Hringtu nu'le hna upat hmai zah kan pek hna kan biak zingnu tu nih nun dam khuasau nak in pe hram ko hna seh, Cun nu le hna nan fa le hi nan dawt nak kan theih lo zong ah,Khut bil in nan fa le caah nan thlacam piak nak hi kan herh i kan hlam i ti hlal in kan hla zung zal  thlaza kan cam piak rih uh tiah kan nawl fawn hna,Ka nu ni khat2 cankhat2 ah kan lung afiang te lai,Hringtu le hna fale nakan dawt nak cung ah ka lawm ti in le lung thul lo in nan fale caah thlaza kan cam piak rih ko uh law thluachuah bongmal za kan sawm piak rih ko uh ti in kanbiak zingnu nih lunun dam nunkhua sau nak in pe hram ko hna seh tiin kabia kadongter?

                 Zeinih Iang kho tu um nga maw [ ASung tuk ee Sunghno ka nu dawt nak ] lunglawmh nak le upat nak le hmai zah nak he Hringtu nu le hna ,

David Van Bawi Uk

Ka Hawi Nang Khawi Ka Ah Na Kal Lai

Mi nung hi pakhat le pakhat lam ah kan i ton i kan i biakchawnh tik ah hin khawi ka ah, khawi ka ah dah na kal lai tiah i hal tawn a si.Kal nak hngal lo lawng nih hin ka vak i si tiah phit a si.Mah caah cun ca reltu ka hawi zong hi chawnhbiaknak bia in chim ta ning.Ka hawi khawi ka ah , khawi ka dah na kal lai,zei in dah na kal lai tiin hmai lei caan thih hnu nunnak caah biahal nak pakhat hal kan duh.A biana ah kal nak hngal lo in kal nak ding lam fiang tein na hngalh rihl lo ahcun ka leng tiin phit sawh a ngah ti lo.A ruang cu hell ram kah kal sawh ,va len sawh a ngah ti lo.Vancung zong va tlawn sawh sawh in kal a ngah ti lo.Kal nak ding lam zungzal ca in a fiang fai mi hmun hmun khat ah ka kal tiah phit ding a si cang.Ka hawi nang khawi ka ah.

Abiana ah ka hawi nang fiang fai tein phit ding na ngeih rih lo ahcun peh zulh in vun rel rih.A fiang mi a phi na hmuh cang ko lai.Yangon in Mandalay ah mawtaw,tlanglawng,vanlawng,tilawng in kal khawh a si .Cu phunli in Mandalay ah phak khawh a si nain ramthumnak ahcun vanlawng lawng in phak khawh a si lai.Cu bantuk thiam in thlapa vawlei ah cu-ttuh lawng in kal khawh a si.Thihhnu pin lei he aa pehtlai mi vancung ka ding ahcun mawtaw,tlanglawng pawl cu chim lo vanlawng pawl (cu-ttuh ) pawl zong in phak kawh a si lo cu kan za te nih kan theih ko lai.Cu a si caah mah ka vancung khua cu zeitin in dah kal a si lai.

Vawleicung ah hin khual thlawn  a duh mi poh kan duh nak hmun aphan mi cit ka i palh lo nak ding i ralrin a si bantuk in zungzal ca i kan kal nak ding hmun lam kan i palh lo nak ding ah a hlei in kan i ralrin ngaite ding a si ko lo maw.Ahohmanh hell ram cu mang hmanh in kal cu kan duh cio lai lo.Yangon in tlanglawng aa cit mi poh Mandalay phak khawh a si.Asinain mi pakhat nih Yangon in Mandalay phak ding ah a biapi cu tlanglawng cit lawng pei a si ko cu tiin Maw-La-Myai tlanglawng pi aa cit ahcun tlanglawng a cit cu aa cit a si ko.Zeitikhmanh Mandalay a phan kho lai lo.

Cu bantuk in cun vawileicung ah biaknak phun tam pi a um i kan mah i thih hnu pin lei ca ding ah lungdeihnak ding tiin biaknak pawl cu an i tlaih an i bochan cio.A cheu nih Pathian cu pakhat a si ,acheu nih rili these zet in an tam ,acheu nih Pathein cu aa khat dih ko,a cheu nih a khat lo an ti hawi,zeirung ah dah a tu bantuk in aa dan dih hnga,Bible ning in cu cu Pathian a ralchanh tu ruang ah a si a ti.Zei ti a si zong ah vawlei ah hin a thlum a um ahcun a kha,arang a um ahcun a nak,a tha mi a um ahcun a chia,aceu a um ahcun anak timi aa ral kah mi pawl a um tawn zungzal ko caah adik mi aum ahcun adeu zong nih ahnulei in a zulh tawn theu mi a si .A hman ti mi cu pahnih a um lo.Pahtian nih minung pawl cu pom ning a phun phun in a kan hlen thawi ding tu cu a si lo.Lamkhat,aa rual tein,pom ning pakhat,kal ning khat lawng in a cawnpiak ko lai.Tahchunhnak ah maths pakhat cu minung pathum nih a tuah tik ah an pathun ning ten an mah le an zawn cu an hman cio.Asinain a phi hman cu pakhat lawng nih a hmuh.Tangka pia kan hlorh tik zongah an hmai hnih hmunkhat ah a cuang kho lo.Mah caah cun ruahnak pom ning tampi chungah hin a dik mi pom ning pakhat lawng a um lai.Cu pom ning cu zeibantuk pong ning a si cu theih nak ding ah a deu le a dik cu chiti le ti bantuk in tha tein thleidan theih hnu lawng ah cohlan ding a tlak mi a si.A ngaite ti ahcun biaknak poh nih that nak lawng hi a cawnpiak ko .Asinain a tha lo mi cu minung a si.Munung hi tha ding in a tuah mi cu biaknak a si lo,biaknak sin rat nak in Pathian sin rat hi a bia pi ,minung chung ah biak nak a luh nak in Pathian a luh hi a bia pi bik mi a si.Biaknak nih minung hi a zohkhenh nak in Pathian nih minung hi a zoh lawng ah hin a tlam a tling ding a si.

Jesuh Khrih nih"Kei cu lam ke biatak le nunnak ka si.Keimah sin in dah ti lo cun ahohmanh pa sin an phan kho lai lo"tiah fing tein a chim.Jesuh Khrih h cun amah dah lo cun vancung khua phak nak ding lam dang a um lo tiah fiang fai cikcek in a chim mi kan hmuh.

Minung poh hi thihnak he kan i then kho hna lo.Nu hrin mi fa poh cu a chan a tawi i harsat nak in a khat tiah Bible nih a chim.Minung kan nunnak hi pangpar bang chikhat a par i ni bang a liam than mi a si.Minung a si mi a ho poh hi thih nak cu a tong ding kan si cu a hman.Thih nak nih kum no can mi rum si fak thlei dang lo in a dolh dih hi tih a nung tuk.Thih a duh mi pakhat te hmanh kan um lo nain thihnak cu zeiminung mithmai hmanh zoh lo tein a dolh hna cu a hman ko.Mah caah minung poh cu kan mah le kan caan kha hngak in thlan kal dingah i tlan zong hngal lo in a tlang lengmang.Ni fa tin thlan lei kan panh lengmang.A caan nazi nithla te te pawl a dih deuh deuh thihnak he aa neih deuh deuh.Mah ti cun minung nun donghnak cu minung poh kan kal lai.Bible nih minung cu a thih hnu ahcun a ciam.A nunnak a dongh dihcun khawika ah a um tiah a hal.Mah biahalnak cu Bible cangkhat nih mah ti hin a leh."Mah caan ahcun vawlei dip cu a um nak hmun ah ,Thlarau cu a rak pe tu Pathian sin ah a kir than lai"tiin minung cu vawikhat lawng a thi.Mah dih in cun biaceih nak a ing lai ti zong in a chim.

Minung hi vawilei ah khual si ding in kan rak phan.Khua ti mi cu a zung zal a um ding a si lo.A um nak inn ah a caan a phak ahcun a tlung than ding a si.Vawilei hi chikhat ca lawng a si i kan um nak ding cu a zung zal vancung khua a si.Chikhat caan cu a caan nih a ser siam,ri khiah piak mi a ngei ,aa  thleng lengmang mi a um.A zungzal um nak ding a si mi vancung khua cu a zung zal a si bantuk in a hnu pakhat hell ram zong cu a zungzal hmun a si.Vawlei ah caan tawi te kan nun chungah hin kan mah le kan thlarau cu vancung khua le hell ram kal ding caah a tu caan ah hin kan mah te nih rian kan ngai cio mi a si.Lungthleh nak a tuah tu ding cu midang an si lo kan mah hrim hrim te hi kan si.Thlarau caah takpum hi nawl ngei tu asi.Cu a si caah nun dongh nak ding caah ahlan kan in kan i timh ding a si.

Vawileicung minung vialte hi nun khual tlawng mi kan si.Kan hmai ka ah hin lam tte hnih a um mi a si.A kau mi lam cu a rawkral mi lam ah a panh i a bi mi lam cu a zungzal a nuam mi lam ah a panh.Atu nang hi lawklawng tein i tthim khawh mi nunnak lam laifang a phan mi na si.A kau mi lam cu rit hai nak ,duh fak hakauh thluangthluan nak ,hrawhrol  khawh chung in hrawkhrol khawh a si.Ka nuam tuk rua tiah nang mah le nangmah Siangpahrang bantuk i ruah in na lung duh chung na nuam kho ko.Cu lam cu chim hrin tu um lo,phunglam um lo a lawklong mi lam kau a si.

Vawikhat ah vui thi cia cu rili cungah a vuan.Va te te pawl nih nun chung ei hmanh ah a dih lai lo tiah an ruah i a vuan mi vui cu an zuah.Rili kam he a hlat ngai mi rili lai ah a phak tikah cun an i uar tuk i an zulh mi vui thi cia cu a mawt i rili chungah a pil.Va te te pawl cu ttin nak lam an hgei ti lo i harsatnak an tong.Nunnak lam kau pi ah a duh poh in aa nuam mi pawl cu kha va te te pawl bang a zungzal a rawk mi hell ram ah an nun a dih  te lai.A bi mi lam cu pumsa i a duh mi vialte kha kan sung dih ko nain vancung khua i ro nih a kan don ve.Ka hawi nang zei lam dah na zulh lai.Thaizing cu a bi mi lam zulh ding ah nang na caah a tlai zong a tlai kho men.A ho poh Jesuh Khrih kha cohlan bu in a thih asi ahcun a zungzal a lung nuam ko lai.Mah thih ni cu chuah ni nak in a tha deuh tiah Bible nih a chim.Vancung inn cu suithiang,lungvar phun phun in an sak.Khuapi laifang cu suilam an phah.Minung kut in si lo in Pathian ser mi zungzal inn a si.Mah ka hmun ahcun thih nak a um lo.Lungretheih vansannak ,au khuannak ,thabat zong a um ti lo.A thiang mi thli i hruk in aa rual mi pungsan in chunzan donglo in Pathian kan thangthat han lai.Rawl tam tihal zong a um ti lai lo.Ni ceu nak siseh thlapa ceunak si seh a hreh lo.Zeicahtiah Pathian Sunparnak nih cun a ceuh i Tuu fa cu a mei inn a si.Pathian nih a zungzal in a uk cang lai.Cu Tuu fa ceunak tang ah cun ka leng cang lai.Khuapi i lam le tiva i khat lei kam ah nunnak thingkung a um.cu thingkung cu thei phun hleihnih kham tla fa tin te a pek lai.A hnah cu miphun tam pi hna i an dam nak ding caah a si.Khua kutka cu chun ni tlak an i hung zung zal ko.Zan ti mi hi a um lo.Cu khua cu Pathian sunparnak in a cer.Khualipi cu lungmansung,jaspar lungvar bantuk in a tleu i thlalang bantuk in a fiim.Kulhnak vampang nganpi a sang ngai mi pakhat a ngei cu kulhnak vampang ahcun kutka hleihnih an um i cu kutka hleihnih cu vancungmi hleihnih nih an cawngh han.Cu kutka ahcun Isreal miphun hleihnih min kha an i ttial.Kam khat ah kutka pathum cio an um:nichuah lei ah pathum, tlanglei ah pathum,chaklei ah pathum,nitlak lei ah pathum an si.Khua kulhnak vampang cu lung pahleihnih cungah bunh a si i cu lung pahleihnih cungah cun Tuufa lamkaltu pahleihnih hna min kha an i tial.Khuapi cu tungvang palh a si.Dong za sawm li pali cio a sang.Khuapi chung lam cu suithiang a si i thlalang bantuk in a ceu.Kutka hleihnih cu rili lungvar hlum pi pi hleihnih an si,kutka pakhat ah lungvar hlum pakhat a si ko.Acung i achim mi vancung khualipi i a sining cu Patmos ti kulh ah Johan in hmuh khawh mi Biathlam a ngah ko nain biakinn chung i a thuk mi thil pawl cu hmuh khawh a si lo.(Biathlam 21:11-17)

Pathian a zum mi poh cu mah ka khualipi ah roco ding a si.Mah kha khualipi cu nangmah caah a si bantuk in rothil vialte zong nang mah ca an si.Mah ka khua a phan mi poh cu ,an i nuam tuk lai.Lung lawmhnak mitthli a luang lai.Jesuh Khrih nih ka fa vawleicung i harsat nak a tam pi ko nan keimah na ka dawt caah a tu ri thawk in cun mah rothil vialte hi nangmah caah a si tiin a luang mi mitthli cu a hnawhpiak lai.Hell ram ti mi cu nuam ding in ser mi a si lo.Kat he a cawh mi mei tili a si i a zungzal a alh mi asi.Khuachia pawl nih meihang an tit mi mei tili chung ah thirfung pi pi in har tak tak in an tuk an velh an hrem hna lai.Mei tili chungah an hlawnh lai i thirlin chungah an pil lai.Kun thong thong in tlak dih hnuah hell ram taw ne an phan lai.Buh um a tlawh tik i facang mu bantuk te te khi an si lai tiin a ti.Ka bawm u law,ka zangfah u law,ka khamh u law tiah an mitthli  luang in an aihram ko lai nain ahohmanh nih an zangfah hna lai lo i an bawm hna in an chan han lai lo chungkhat zong ngei lo a har tuk hring hran ah an aihram i minute pakhat hmanh dai lo an hram.Ka hawi nang zong ralrin nak kan pek ve.Mah ka zawn hmun cu kal duh hlah.Tih a nung tuk hringhran.In khawh lo tiang in harsatnak ram a sitiah Marana ram cakuat chung i Lazaruh i a mirumpa nih a ti.

Mah ka hmun ahcun a dong kho lo mi harsatnak an ing tuar lai nain an thlarau cu a thi kho ti lo. Thih an duh ko nain thihnak nih a tlik tak cang hna lai tiah Biathlam 9:6 ah a chim.Na thlarau vancung khua le hellram ah a kal ter tu cu nangmah kha na si ko.Hell ram ahcun nuamhnak a um ti lo.Dawtnak a um lo.Zangfah nak a um lo.I dinh a um lo.Zumh khawh lo tiang in harsat tuar nak hmun lawng a si.Misual tampi cu hellram i harnak kha fing ten an theih rih lo caah Pathian an hngal lo.Hell ram chung vialte cu ttih nak in a khat i chim khawh lo ding tiang in harsat nak lawng te in a khat.Rungrul nung,meialh,ttahthawng,authawng,aihram thawng lawngte in a khat i hnachehnak hmun si.Hell ram a phan mi poh hi vawileicung i rak nun ning te bang khan an ing tuar kho.An tuak thiam.Jesuh Khrih i khamhnak thawng tha kah an thei ko nain,an hngal ko nain zeirel lo in an i ngaichih lo mi kah an vun ruah fa te vawleicung an tuah mi pawl kha na theih tthan.Mah tik ahcun Oh!.....Pathian na ka ngaithiam ko.Ka palh mi vialte ruangah ka ngaichia ko.A tu cu ka ngaichih cang ko tiah an aw nain a au thawng cu a hohmanh nih an thei ti lo.Mah le mah kah i mawhchiat zungzal nain a tlai tuk cang.An mah i an au thawng cun a tu cu hremnak fak pi pek cang.Chuah nak a um ti lo.A hlan ah khan Pathian nak in vawleicung thilri ka duh tuk nak,rum ding ah chikhat te harnak i rem ding ah,chan tiluan zulh in i dawh khawh chung in i tamh i nun kha ka rak duh tuk sual,asinain thih le cangka zeihmanh i ken khawh a si lo.Ngeihchia tuk hringhran a si Oh!.......Pathian a tu cu ka palh ti ka theih cang ko.Tha ten chim ahcun Pathian nak in setan kah ka dawt sual.Setan he i komh cu a nuam tuk hi ta tiin ka ruah i Pathian cu i mer hmanh in ka zoh duh lo.Setan caah cun sui le ngun he nunchung duh tawk in ka hman mi kha a tu cu ka palh ti ka theih cang.Cu ti i ai hram thawng vialte cu a hohmanh nih an thei lo.Ka si can tiin ai hram si lai.Au thawng cu ruah channak a um ti lo,a um hrim a um ti lo timi thawng lawng theih khawh si.Ti hal tuk ah ti zeitik dah a ngah lai au tik hna ah a zung zal ti a um lo timi leh nak lawng theih a si.Vawleicung ah hin minung hi kan mah akan ser tu,khamh tu hi thei lo in kan rawk ral.Pathian i khamhnak hi hnulei an chit.An sual caah an i ngaichih lo.Vawlei ah dinfel nal in sualnak tuah lawng hi an sunlawih hna.Mah caah cun rit khawh si mi poh rit dih,nuamh khawh zet in i nuamh in an rawhralh dih hi zeica ahdah a si.Hell ram kong kha an theih rih lo caah a si. Ka hawi caan a liam hlan ah nangmah an khamh tu Pathian sin rianrang tein rak panh ve cang tiin dawtnak he ka forhfial.

Pastor Cho Yaw Kee