BIAZAI

            " Laimi Ngan Fah"

Laimi phun nih, zei cen khi maw

Tuar than rih lai,sifah harsat

Kan zuar ai ee,sifah nak nih

Sal nun phur in,rili ral ah

Then siang lo in,chungkhar dawt hna

Zaang ngai chial mal,mitthli za he

Harsat tuar in, ni can kan rel

Thih tian bang in,nun tian kan tuar

Ton than nak ca,zing nu kan nawl

Duh lo kan in, lung do hma bang

Cheu khat hawi dawt,sian lo bu in

Rizung an liam,anpei ram ah ….

Ttam le hal in, kan hram zawn ah

Runrep lo tang,sungno chuan rawl

Mitthlam a cuang ,kan hlam ruangmang

Ni sunglawi can ,a hun thar than

Chungkhar tling he, nuam in len ti

Puan bang thar than,lunglen tuar har

Laimi ngan fah,chimkawh si lo …..

Mitthli za he,rili ral ah .

TC.Zing

    NgaihnakPhai len tawn hna
Ka ngai tiah
Zei khi hen si
Ngaihawk um lo tiin
A theih zong 
Ka thei duh lo nain
Semnak lungrawn khua
Runinn toi
Lungfah zaangder caan
Lunghnem zaang petu
Teinak hmuh caan
Kutthir lunglawmh pitu
Sungh zatlak caan
Thape domhtlai tu
Ngaihchiat
Mitthli tlak caan
Arfi dawhdawh
Serpiak tawn tu
Tuanbia chung
Pasal ttha hna bang
Ramca nun aa pemi
Lungput kengin
Hmailei i teinak
Goal tung phanh dingah
Aa tthen kholo
Tleihchan Duhdawtnak hna he
Lam a rak ka sialpiak tawntu
Sunghno nu le pa kha 
Ka ngai ve riangmang ko cang hna e.
Lian